طريت الليالي بحيل عشرين
عله صدري الجمر خليته نياشين
*****
مريت على جرحي بملح الفراك
اوسدت الهموم اوهام واشواك
تتورشع ظلوعي وعافت الراك
وبصدري الحزن خي ساكن سنين
*****
يامومن توسطني عله يا صوب
وثوبي من التركع اسمه بس ثوب
كلنة اخوان بس اوجرت فد نوب
يامومن الثلمة صرت نصين
*****
بين انعال تاية وبينك اتوسط
ورطة ورطتني وبيها اتورط
لو تسحب كلامك لو تتشحط
حتى تصير عدلة وانصف الصوبين
*****
الحكم بين القنادر والبشر ميصير
فكر بيها واصفن دوخ بيها وحير
يامومن جبير وفشلة من البير
ليش بسرعة تغضب والولد طيبين
*****
كلتلي انه الحكم خليتني قاضي
محد عال بيك ونبش بالماضي
اريد اسالك وانه بحصتي راضي
قبقلي انه حتى احكم ابين اثنين؟؟
*****
خل نطوي المضة وانسولف على الراح
وندري بالثمر من شيمة السباح
يامومن عليمن عايف انت الساح
وهاجم علة اخوانك الك متحزمين
*****
متحزمين الك كلهم وانت بعيد
وعافولك مرابعهم بعد شتريد
جا عدلة تشمر هم بعد وتزيد
وتجمل قهرهم مثل اخوك حسين
*****
اعذره حسين دومه يجر خيكاني
بس انت يمومن ما الك ثاني
يا ماي الورد مصبوب بصواني
ونداريك كلنة صايرين ايدين
*****
وارد احجي صدك وية ابن الولاية
واكلة لاتشمت ناسها اهواية
تريد اتفلش الكعدات والغاية
حسد من لمة الابداع والحلوين