الاسم: ---- 
.. الى مومن الثلمة
___________________________________
____________________________________
وحك البير واللي بي واليمة
لـ علمك باللعب يامومن الثلمة
اعلمك حتى لو عمرك جزة التعليم
مو دعبل لعبنة ولاجرخ والسيم
لعب اكبا ر مابي جور لاترهيم
لعب صعلوك تسودن اذا يحمة
ولويحمة اللعب يامومن يعور
ومن يغتاض صل البيد ما يعذر
يخيط الراس بالمكلوب وية الزر
يتل نجم الثريا يدفنة بالطمة
بالطمة العتيجة يدفنة وانتوا شهود
لاطلاب دين ولا يريد كعود
ولاتحكيم طالب لاحمد وحمود
اريدن بس اكولن وسفه عالزلمة
ياوسفة على مومن غثته حجاية
نسى الما ينسي بنغزة السلاية
عبر نيشا نها وحوف على الثاية
با ك الفرس والجتات والرشمة
الرشمة ما تهمني ولايهمني الجت
ولاهمني النزل لاهمني الصعدت
همني ايد التدج التتن ما لفت
مثل تدبيج ليل بجول وابظلمة
بالظلمة تدبج حيل وبقوة
ما ضايكها اعرفك مرة لو حلوة
بلوة الدنيا هذي وعشرتك بلوة
بس ما الوم غيري واندب القسمة
قسمة لاتلوم ولاتظل تنعة
مثل ماي الغرير وتنزل بسرعه
ولك ياحيف تره موزينة هالسمعة
حتى الريشة تثبت لو تمر نسمة
لونسمة تمر اتذكر الملحة
وزاد العشرة اذكرليلة وبصبحة
لجن ناسيها اظنة العينة خي وكحة
ما حسب منو الكالوش والجزمة
لوفكر عدل ماعبر ميل الميل
ولا حسب اخوتة اجناب عنة تشيل
واللي بينة عايل هو بيك يعيل
اشو نفس المجاز الهشتي والطرمة
لاتذكر اسامي وتنخة بمحمد
واظن وازاك صعلوك اللي ماينرد
لازيبك ولاداجوج لامبرد
صميدع عزمه نفسة وهمته الهمه
الزهدي بتعب جبته ولا جبت جمري
ياشيص الشواطي الماعرف كدري
وجري الراك يلعب وانزوى الحمري
عافاها الثجيل وجفتت الغشمة
يامومن اخبرك عني خاف انسيت
صعلوك وكلتها ما كلت بيل كيت
ولا جسب الشته وكلته الك جكليت
لجن سيلي صعب ماواحد يكحمة
كتبها ---- في 01:31 صباحاً ::
أخوي أخوي أبو الصعاليك الظاهر الوساطه ماتفيد ويه أهل الثلمه وخاصة المومنجيه الي كلبوا حياتنه جحيم دك حيل وآنه وياك أشو الحجي وصل للقنادر والله ألا أتوبه مو بس من ذكر القنادر أتوبه حتى من لبسهن وأخليه يمشي حافي على التبليط بشمس تموز .
أخوك الذي دائما عد يمناك.. إبن الولايه
لك صار لك جم يوم تتوعد وتتهدد تالي هذا اللي عندك تلزيك حجي ماله مزه ولا طعم والجماله هذا الثاني يكلك حيل وحيل بدل ما يكلك يمعود دير بالك انهتكنا لو تحجي حجي عدل لو نسكت ثنيناتنه وننهزم بسكوت - زين جا اني الكم وبالزوج وعلديره .
مو - من الثلمه العظيم
ادج دج التتن وادبج بتالي الليل .. واذرع شارع الصادق الف مرة .. وتحالف الكالوش والجزمة
وكلنه عليها معلقة ومو تصفيط حجي .. وكلنه عاشت ايدك يالمومن .. وردنا اللي يثول ثول تصفيط ؟؟؟ ولك صدك انت اتريد تتحارش وانا اعرفك مو كد الصعلوك فراح ارخيلك الحبل بعد ما ضبيته اريد اشوف شراح عاقبتك اتصير واهلا وهلا بفطاحل البير ..بعدين يالمومن انت مو حكمت عجيد البير اتعلم اصول اللعب ولا تسوي روحك حكم انت خصم بعد خالك صير على صفحة ودوخ بكواليشك وبالشالت بالعرب راية..ولاتجلب بجاست الحجاية ترة مو بصالحك ..ومحد رد عليها للان لاننا نترفع عن هكذا مستويات ومازلت مستعدا لتعليمك اصول اللعب ايها المومن العظيم
الفقير لله صعلوك العمارة والجديدة ونيويورك
ليش هو هذا ردك؟؟ يالمومن ؟؟يالعظيم؟؟ عمي لاهدننه ولا اتوعدنه ..واذا ما ناشت ايدك خلي رجلك ..لان تعهدت لكل قراء البير بان اعلمك اصول اللعب حتى لاتظل اتشمر حجار لو تدبج مثل ما كلت والوادم نايمة ..وما اريدك تنزل بسرعه مثل ما كلت لان مو خوش سالفة المفروض اتطول شوية علمود مصلحتك .. واذا خايف كول احنه اخوتك والمسامح كريم ..مستعدين انسامحك ..بس لاتشبخ ولا تدبج ولا تشمر احجار الوادم نايمة يغاتي
صعلوك الجديدة شجابك لحدة
أنا خوك طلعنه صعلوك ثاني هلنوبه منو هدا صعلوك نيويورك متفهمنا ياصعلوك الأطلسي هدا انت لو واحد ثاني ادا كل الصعاليك اهنا بامريكا جاكلي بروح موتاك منو ظل هناك بارض الجزيره العربيه؟؟؟؟؟؟؟؟ زيد التلال