الاسم: ---- 
ا لى الثلة التي اثقلت رأسي بغيابها بقلم طريد حي الامير
________________________
هيجت ضيم السنين بهيدة وك يبن الولاية
مو هزل جلماتك انت ادري تعنيها الحجاية
وادري صيحات الوكت هدت من الحيل ثاية
وادري بيد ك لسة تزهي رفرفت للعشك راية
يا طعم باقي بحلاتة ويا ملامحنا القديمة الضلت بوجه الولاية
هذا صعلوك الجديدة وصاحبة مومن الثلمة
وجانت بعازتك واسا حلت واكتملت اللمة
خوفي من مومن الثلمة يعطش ويحتاج ممة
وجذب يتعوض الغايب يانجوم بليلة ظلمة
بيكم والكم اغني وانتوا شباج المراد بغيرة ماتسوة الولاية
ذكرتني بعمر زالك غفلة من بين الاصابع
جنت اماطل بالليالي وبالعشك يومية اصارع
تورطت حبيت شكرة واليحب ماعندة مانع
صارت صفوفي الكهاوي ومهنتي اذرع شوارع
بلجن السندوس يطلع شمس ويغطي ضواها دروب وعكود الولاية
ومن صحيت وعيب اصحة هاي اتصور بعيدة
لكيت روحي سطر ذايب ناكع بحبر الجريدة
واليجر ماي السباع ولك شتفيدة الفريدة
راسة طخ بصدرة كلش خشمة صاير محبس ايدة
بس هداية ربك ارحم شالته من الضيم والهم بزود وبنور الولاية
كتبها ---- في 05:22 صباحاً ::
الى الطريد العتيد والشاعر الجديد السلام عليكم
ذكرتنا بأيام رائعة رغم ضيمها
زادك الله من هداه هدى
والمومن راح يتحزم حزامين ما طول اكو هالكد شعراء
مو - من الثلمة العظيم
حبي وتقديري الكبير ياطريد حي الأمير مكانك القلوب يامن كنت تطرز ليالينا بأحلى وأجمل الطرائف .غيابك كبير أنت والصعلوك العتيد سأتواصل معك على البير إلى أن أنسدح على دكته ذاك الوكت تعذرني بعد لأن الله أمر ولازم نولي خو مانظل لازكين ضوجه الدنيا وجع راس وخاصة بالعراق.
أخيك إبن الولايه
عاشت ايدك حزام ظهري ياطريد الغانيات ..ياطريد حي الامير
بوركت وبورك قلمك
اخوك صعلوك الجديدة الفكر
الى الطريد السندسي الرائع افكارك فتحت شهيتي على الكتابة اسمحو لي ان انضم الى الجوق المغرد
فارس الفضوة
تورطت حبيت شكرة واليحب ماعندة مانع
صارت صفوفي الكهاوي ومهنتي اذرع شوارع
بلجن السندوس يطلع شمس ويغطي ضواها دروب وعكود الولاية
ومن صحيت وعيب اصحة هاي اتصور بعيدة
لكيت روحي سطر ذايب ناكع بحبر الجريدة
واليجر ماي السباع ولك شتفيدة الفريدة
**************
ولك شنو انته شاعر لو بليه سودة طلعت
طنطل مال حسجة ومضايف
ملسون ماشاءالله بلية حسد