الاسم: ---- 
شجابك عالقهريا ابن الولاية
وتدري بقصتي ناحت الفختاية
انكتبت بالعكس تحتاج (محاية)
تمحيها وتبدل اللطم جوبية
لطم حلوات وحديثات معتازة
وماريد الزلم بس هنه جنازة
عمت عين اليموت والهن بعازة
وبالبير على جثته ماكو ترجية
اي يبن الولاية الغربة غثتني
واحلى سنين عمري اكلت وذبتني
سكر والضغط وامراض جازتني
والتمحيح طنطل شايخ علية
ادري بيك وردة وممتلي احسان
وادري مجاني جول وترستة المعدان
وادري المومن يبدل عليك الوان
للثلمة انتسب والجهرة هندية
لا تفزع لمومن ثلمة الاسرار
هذا من الزغر ما عنده بس اشعار
ياكل بانية وفوكاهه كيلو خيار
وعلاوي يكد عالعيشة يومية
بحجة شعر لاتستلب موهبته
مزاجي مسردب ونص شبرسردبته
وشتعتب بعد من اعرفت ذبته
المومن طاح وتلكتة اللوتية
عاف الدنيا كلها اتحارش بصعلوك
اصلي وسرمهر ميهزمه راس الكوك
صوكي وداعتك مو منه كل الصوك
المفروض عله ذانه اسدح التوثية
من فرجينيا لحد عتبة الشيلان
اوديلك سلامي وشكري يا فنان
يا شاعر وابن شاعروخوش انسان
الك وحدك وخل تنجب العفطية
كتبها ---- في 06:19 صباحاً ::
حياك ياصعلوك الجديدة 00000وفي وتبقى وفي000بس كلي هدا الأسم وين لكيتة و(عمر ابن الورد) شصير منك أمير الصعاليك ؟؟؟ زيد التلال
هلة ابو الزود جا وينك يحباب؟؟ ولك عروة بن الورد مو عمر بس ميخالف (تو كلوز) (كلوز اناف) مشتاقين
صعلوك الجديدة
الصوج مو صوج الشاصي الصوج صوج الصالنصه000000سألت واحد صديق كتله شنو اسمه أمير الصعاليك كلي اسمه عمر ابن الورد فكلتله هو اسمه بي حرف(ع)بس ماأعتقد هو هدا000مع العلم اسمه كان على بالي واني أتدكر المسلسل الدي عرض في نهاية السبعينيات أو بداية الثمانينيات وهو من بطولة(أسامه المشيني)ويحمل نفس الأسم(عروة ابن الورد)000للمعلومه فقط شقيق ابن الولايه
ماكوفرق بين عروة بن الورد وعمر بن الورد لان عمر هوعروة ابن عروة خايسة