الاسم: ---- 
بعد أن إطلع إبن الولايه على ما آلت إليه الأمور بين صعلوك الجديده ومومن الثلمه آثر التدخل لحل هذا النزاع .......
يصعلوك الجديده إرخصني خل أحجي
قهر هذا الزمن شو كلش يبجي
يم دجه البير لراسي أريد أرجي
وأصيحن جيت ياوحشة البريه
ماسولف المومن كل حجي العنده
ضيم البيه فاضه ويمك تبده
يصعلوك الجديده عذرك إنرده
وصدر البير يحمل هالحميميه
متعجب غدر الحويش بالشيلان
ولك سوك المسابج غير العنوان
صبح عكد اليهودي يصدر الحصران
وعكد السيف عرس عالتنكجيه
والمشراك إيراني طلع أصله
ولأ بن الأصل مابيه فرد وصله
خان جغان ماتعرف شني فصله
سكنت بيه عفطيه وحراميه
وبراك المحبه البيه نتلاكه
عكوده مغلكه ومختنك بزياكه
ورطه من تمر وتشيل علاكه
ينبشونك نبش ولد الأغائيه
وحويش الكرامه طيب الناموس
بأعتابه تعلمنه عبر ودروس
تسيج بالحديد وصارإله ملبوس
وهوه بحر النجف ما يوصل الفيه
وعمارة أهلنه ما بكه بيها
بس جم بيت للزوار منطيها
والحلوه التودها وتسأل عليها
حلم صارت من أحلامك الورديه
يامومن الثلمه لا تزيده جروح
تره العله ثجيله وماهي وغفة فوح
تاه الوكت والدنيه على غفله تروح
بير عليوي يختمها ويرش ميه
صعلوك الجديده كلش مربه
لجن حلوة محاسن تيهت دربه
عثر حتى إبصلاته إنكطع عن ربه
حمل ضيم الحلو وجورة البعثيه
مايصفه الوكت يامومن الثلمه
وجفجير الصفر خجلان بالظلمه
ناسينه دهر محد وصل يمه
يريد أهل الكرم تنطيه جنسيه
-----------
التوقيع
ابن الولايــــــــة
كتبها ---- في 12:50 مساءً ::
شسويت بية يا ابن الولايه نبشت كل المواجع وفززت جروح الدهر اللي اتصورتهن اندملن وية الوكت وصار ليلي طنطل اعلية من اتذكرت شلون جنة وشصار بينة الله كريم تفرج غصبن عل التاريخ ( حتى لو بعد حين )
ابن ولايتك عبر الاطلسي
القصيده ناقصه كلمه وحرف في البيت الأخير منها ....ليش ياإدارة الموسوعه والصحيح هو كالآتي:
يريد أهل الكرم تنطيه جنسيه
أرجو التصحيح وشكرا على سرعة النشر وممنون لأبن ولايتي عبر الأطلسي وأنتظر الرد والتعليق من مومن الثلمه وصعلوك الجديده....
الى صعلوك الاطلسي والاطلنطي والكاريبي وجزر القمر ومضيق جبل طارق00000000000000 اني مشتاق لسماع صوتك اتصل بي على هده الأرقام home 4024760883 cell 4028903600 وشكرا زيد التلال