الى مومن الثلمة مع جثير الود والاحترام.. صعلوك الجديدة
-------------------------------------------
ربتني الجديدة واصلحت حالي
وخلتني اعرف محمد الغالي
عجيد البير الطرز اترف ليالي
بسوالف عشك يذكرها باب ازغير
تهدم وانمحى باب الزغيرة الجان
للثلمة تجية وفخر للميدان
مو مثل الحويش الغدر بالشيلان
تشهدله الفضوة وعكد الحمير
يمومن ما كبرت ولاتعب خلكي
وعوده صلب بالي بالدمع مسكي
ولو خميت عكه ومكه ما تلكي
مثل بالي عله ضميك كلش جبير
تطحن بالطحين انه اطحن بهمي
ثكل راسي بونيني وصار يم جدمي
كمت بعرور اشوفن وك ولد عمي
علينه اشكال تهجم بالقصف وتغير
وثوبي اللي زرعته من الزغر وسكيت
هرشه مي ورد وملبس وجكليت
تشكك والسبب كالولي حية بيت
لاتركيع يرهم لانفع تكصير
مليت الصبريامومن وتدري
بيه شلون اصيرن لو خلص صبري
جا طركاعة الله العاشت بصدري
شوكت من الوطن ومن الجماعة اتطير
ولك ثولان كلها معممه وتحدي
والنوبة الاشيقر حرك جد جدي
بس اخبار سوده يجيب ويودي
وساطة شر وحقك مو وساطة خير
لو خاس الضرس ميفيد بس قلعه
وضرس الخاس كلي جا شنو نفعه
بطبتك تظل دايخ مثول بطلعه
كوابيس وسهر نومك عليك ايصير