استوني قريت شعبيتك..عله مهتلف البير الصل

يمومن ثلمة الاسرار .. عله كيفك لو ردت تنزل

تره مهتلف صدك تعبان ..بس بكلبه كون يحل

سبع بس غثته الحلوات ..وثكل الحلو تدري يسل

يمومن ثلمة الاسرار ..تجحف لو ردت تعدل

ولو تحسب سنين البير.. وشمر على البير اتمل

تتعب من جمال البيه..يمده عله الضخر يغسل

وشكد حسن شاف البير..وحور عيون ظل يسبل

وشكد صبر ماي البير..شرب وبحسرته مكبسل

يمومن صخرته من دموع .. ورموش متلتله اتلتل

وحسن ما مر على كل بال..وترافه مرهدنه وتثول

انزل عالمهتلف دوس ..بس عالبير لاتنزل

تره حوبة البيربساع.. تسودن ناس وناس اتشل





ملاحظة

كتبها صعلوك الجديدة ..ردا على مومن الثلمة