الاسم: ---- 
مومن الثلمة العظيم
في احتجاج شديد اللهجه على تعييره بأكل لحم ( الهرفي )
----------------------------------------------
_____________________________________
_______________________________
مومن الثلمة العظيم
في احتجاج شديد اللهجه على تعييره بأكل لحم ( الهرفي )
( للناظم اودي طروش )
للناظم أودّي طروش والسدّه
وگﮔِل للسلف ماي المستحه تبده
بالصاير أودي الصحف منشوره
وخلّي الدَّسِِِم يتنخّه ببو شوره
وعلـﮓگ بالصليچية الف صوره
وخليها تگـﮔول المومن شعنده
الثلمه صياح والهوسه على الطمّه
والشيلان دايخ والسچچ ظلمه
والفضوات طرمه تشاور الطرمه
يهلوادم المومن جاز وتعده
يهلوادم المومن ورّط الصوبين
لا ايد التلزمه ولا تشوفه العين
يطبج من يخيط الروس كل اثنين
مگـﮔلوبي وعدل , والفرده علفرده
جني والطناطل بيه محتاره
واحدهم يگـﮔِل لصاحبه حراره
ندور بالصراير علحچي دواره
والمومن إجمال من الحچي ودّه
ﮔَگص راس الوشيعة وﮔِگطع راس الخيط
وخلّه بعيط يفتل واليلف شعيط
ياصاحب ثليثي الكور مو خريط
وحچي الما يعجبك (( عذرك ترده ))
لا تتهم رفيجك لو مشيت وياه
عيب علَ الزلم حچي العدل تنساه
احچي وﮔگول موعيب الأخو تنخاه
يشهد لك وتشهد بيه واتشهده
عيرني المشهدي بلحمة الهرفي
بيضة ديچ چانت , والمثل يكفي
لو لچتاف تحچي چا حچه چتفي
اششال صواني فوك وحدر وشوده
عشر سنين مرن وانگـﮔضن عشره
وانا المشهود إلي بالطيب والعِشرة
ما حسبت من تعزم فرد مره
تقيس شبعد فچ الضيف عن لغده
إهي مره انعزمنه اذكر برمضان
نقره الفاتحة للموتى والجيران
ما ثنيت بيها لا وحـگﮓ سبهان
وباب البيت يشهد لوردت نشده
تحويلة مؤقته :
هذا ما ناحت به ولطمت أم الطلي الهرفي وخالته بعد ان ذبح غدرا وأكل جبرا وعُيّرَ به آكله اعتزازا وفخرا
عظام الطلي للمتحف أظن راحت
وعشر سنين أم الطلي عليه ناحت
ووسفه عللمدلل خالته صاحت
تريـﮓگ والظهر ما لحـﮓگ يتغده
يا وسفه شعرضها جانت الليّه
بيها من الشحم من توزن وگﮔيه
لو بيدي أضمها بألف قوطيه
مو ببطون تاكل ماش وتهدّه
ولو گﮔلتي زواليفه العليها ﮔگرون
صارت حصة البزونه والبزون
والمعلاگ مشوي والضلع مدفون
بالتمن يويلي اللحد مو لحده
وياويلي شكبرها چانت اللـﮔمه
وخرير الدسم ياهو الذي لمّه
زقوم الأكلته مومن الثلمه
شلون انطاك گﮔلبك تنهش بزنده
انتهت مرثيه ام الطلي لولدها المأسوف على شبابه ( طلي الهرفي الذي ذبحه ابن الولايه وعزم عليه جماعته في رمضان ) وهذه عودة الى القصيده :
چا عمر التعده وراح فوگ الفوگ
والضيم الذي طوگ الوادم طوگ
ما نسّاك خبزك چان خبز عروگ
يا حرﮔة الهرفي التاكل الچبده
ولك ماصايره بالزاد نتعير
ولو مرة انعزمنه يقيّد الدفتر
جم غرام أكلنا وشكثر أثّر
بالميزان يكفي لو وصل حده
أظنك والوكت وياك يتبدل
تريد حساب مني لچلمة تفضل
واذكرك بعد ما عيرت يمعدل
بالدوشگ گﮔـعدنه عليه والمخده
اسا شـﮔگ هدومك يلمريكي
الحسجه افعال مو بس نقد تفكيكي
ومو صعبه الحجي لو صار تفييكي
بس المعدنه أصلك , ولك رَدّه
أتشرف أنا شروﮔگـي وابن ملحه
لاني من البدو واعراب ابن صبحة
ولا تركي ولا عجمي , ولون تصحه
تلكه النسب يزهر بالأبو وجده
__________________________
كتبها ---- في 03:49 مساءً ::
لك هاي نووي وعنقودي مزدوج صدك خيطت الروس اثنين اثنين عاشت ايدك ياسماحة المومن .
الدائرة الاعلامية / تجمع الطناطلة في عكد خانيه
ابو ظاهر العموري
يمومن لابعد تزعل..حلف وياك للآخرمن الأول
بن عمك وعد عيناك..هم سموني المخبل
شوجدنه رسول الله...وهمه جدهمالأثول
كيشوان سابق
من ابو عباس - النجف حي الحسين
ميه باللوفه يمومن الثلمه روح والهوه بسدك ومالك شغله هيه هاي الحسجه مو تسفيط ابن الولايه واريدك بعد اقوى والديج اليلطم والخروف حلوين - شكرا لاداره الموسوعة على هذه التحف الفنيه الجميله والكل اخوان انشاء الله
ابو عباس - شاعر شعبي من النجف - حي الحسين
مضبوبه ضب العقل - جمع عقال -
أمين - بغداد - الحبيبيه
اكلك ابن الولاية هو منو بدة بالتعيير والزهدي ونومالظهر يم رجل المحناية .. مو كتلك لاتهيج الارياح وتفضحنة ما صدكت ..انزل عالمومن بس لايستدرجك للتعيير والاهل فنحن اكبر من هذا شنيكي يبن الولاية.. ضعف مستوى القصيدة الفني مثار للشفقة ولا ادري كيف مرت على مشرف الشعر الشعبي في موسوعة البير العظيم ..فاضافة الى فقرها الفني والموضوعي فقد امتازت بتشتت كبير في بنية الموضوع ..الرجاء من المومن الضعيف ان يرجع بك الى قريضه ويترك الخبز لخبازتة وقد اعذر من انذر
المكتب الاعلامي لصعلوك الجديدة
واشنطن الما بيها تراب وعجاج ومناكفات المعدان
وربك يوزع الارزاق واللهم لاشماتة
واما بنعمة ربك فحدث
اكتلك اصمخ يمي بحفر الباطن وظليت تطفر واتكمز مثل تدبيجك اسا بالشعر
اعتقد للضرورات الحسجوية حول المومن امعيط الى بعيط وهي دلالة واضحة على عراقته الحسجوية ( غم الشعر)
فراش مدرسة النضال الابتدائية للبنين
الى المعلق الاول يظهر من تعليقك انك تبعية ولاتفهم بالشعبي وإلا كيف تقول على خرطي وتلزيك وشتايم عنقودي؟؟
عبد الله عباس (صكار المومن القديم)
الى الكيشوان السابق أشو أنت يوم تصير ويه ابن الولايه ويوم ويه مومن اللحمه ارسالك على بر (ي أيوا ي ألو) ؟؟وعندي سؤال الك قبل عشر طعش سنه فردة اليسرى مالت نعالي أبو الأصبع ضاعت مني بكيشوانيه (رقم 1 ) وبعد مالكتهه 0000أمشي عليك مومن اللحمه ماشوفلياهه (بالأرشيف) عدكم !!!! ورقمي أذكره لحد الآن هو (32594812365741252174896325158) واذا تكدر دوور هذا الرقم وتحصله أكون ممنون الك !!
شقيق ابن الولايه
الى صعلوك الجديده (الوحشتوني) أرجوا أن توصل بيت الشعر هذا الى صاحبك مومن اللحمه(التلع)000
من نبراسكا جيتكم لعد رونوك
وفرحتي بشوفتكم ما تسعه الفوك
يصعلوك الجديده كله هالبربوك
ليش سد بابه بوجهنه ومارضى يفتحه
أما بخصوص قصيدة سماحته ماعجبني منه ولا(طابوكه) بس عجبني بيها شي واحد هو((الديج الي يركص)) مبين عليه ملعب ولوتي أكيد ديج أمريكي؟؟
وأما بالنسبه الى كلمة (بربوك) التي وردت في البيت فأنا أعتذر عنها كثيرا والله والله اني حاولت أن أجد كلمه لأكمل بها الشطر فلم أجد سوى هذه تكعد عليه 0000
ولكم كل الأحترام والتقدير!!!!!
شقيق أبن ألولايه
إخواني أبو الصعاليك والطريد الأثير يبدو أن مومن الثلمه غير مواقع هجومه هذه المره من عكد اليهودي وانتقل الى وكفة الغنم ومن هناك بدأ هجومه المقابل ...طيب هي هاي الحسجه الي وعدتنه بيها؟؟ .... يعني كل اللي سويته يامولانه غيرت عتادك من مايحتذيه الرجال الى مايخرج من دبر الحيوانات..... هسه إحنه مومشكله ناس علمانيين نمسح بالكلنكس كل اللي تنثره سماحتكم علينه. بس خل نحجي بهمك إنته وراك واجبات وجماعه وصلاة وتعلاة!!
إشخششك بالوكفه شوداك جاهي لعب ودخول الوكفه مو مثل طلعتهه والله والله وهذا قسم آخذه على نفسي لن تخرج من وكفة الغنم إلا متنكرا إشراح يخلصك يابويه ....
ها خوتي ها
نسه المومن مهنتي ومهنة الأجداد
ونسه جفوف المحنه ونكر ملح الزاد
مافكر تداور والزمن ينعاد
ها الملعب ملعبنه وإحنه النلعب بيه
إبن الولايه
جني والطناطل بيه محتاره
واحدهم يـ
ياصاحب ثليثي الكور مو خريط
ما معنى هذا البيت افيدونا يرحمكم الله ؟؟؟
بغدادي كظماوي فطير يريد يتعلم مصطلحات نجفيه
حقية وبدون مجاملة تعجبني واحة الشعر الشعبي كثر شي بالموقع ومشاكسات الاخوة اولاد الولايه فهي الاجمل كونها تحمل رائحة النجف
ياجماهير معجبي مومن الثلمة العظيم
يا ابناء الحسجة الكرام
يا اخوة الشعر الشعبي البواسل
ايها العراقيون الاماجد
السلام عليكم
يا محله النصر لعبد الله
الدائرة الدعائية لمكتب سماحة مومن الثلمة
اعلان من مكتب سماحته :
ــــــــــــــــــــــــــــــــــــــــــــ
بالنظر لعودة البعض الى النقد التفكيكي مره اخرى فقد بدأ سماحته بنظم معلقته الجديدة التي سوف يرد بها على نقاد التفكيك والمنظرين بالتفييك اللي ما جابو نقش بكل وسائل التهاني والتبريك لشنيكهم المقدام العزيز الغالي ابن الولايه , وهذا هو الستانزا الأول من المعلقة :
اليوم بشعر اختها تباهت الكرعة
والمومن عليه فزعن فرد فزعة
حقوق النشر محفوظة
الدائرة الاعلامية لمكتب مومن الثلمة العظيم
اعداد وتنظيم : الأخ عبودي ابو الياي ( سجينه )
النجف - عكد السلام
نرجوا من مكتب اعضاء مكتب المومن الخلب ان لايملئوا ساحة التعليقات باعجاب ومدح فارغ ..لان للشعر رجاله الذين يترفعون عن هكذا حسجة ليس لها سوى تعداد القرى المنقرضة ..عيب عليكم تكتبون مدح باسماء مستعارة يا تبتية
جيران المكتب الاعلامي لصعلوك الجديدة صناجة الشعب
بصراحة اخوان مومن الثلمة جان مدمن خريط في مستهل شبابه .. وقد اوقعه شغفة بالخريط بمشاكل عديدة تظهر بين الفينة والاخرى بين ثنايا سجه الشعبي لان ما يظمره المومن تظهره زلات اللسان ..ومن جملة ما تعرض له كرطه لثليثية صفرة ضنا منه انها خريط ..وقد حدث هذا وتوثق نظرا لوجود شيخ يسكن في القرب من سرداب المومن ولكن ما اثر في ذاكرته من مشاكل الخريط ان الثليثية لم تكن إلا من الاحجار السبعة كما افدنا الشيخ ويتذكر حينها جيدا ان المنطقة كانت تعيش ازمة مياه حادة وشكرا لاصغائكم
الناطق الرسمي باسم مكتب صناجة الامة صعلوك الجديدة
افادنا المكتب الثقافي التابع لمؤسسة الاعلام والثقافة المرتبط بمكتب صناجة الامة صعلوك الجديدة ( دامت طرقاته) با ن قداسة الصناجة سينشر سفره الخالد الجديد وبظمنه رد على عزيزنا المومن متضمنة وصاياه ونصائحة لمبتدئي النظم الشعبي من امثال ابننا جناب مومن الثلمة
تطرش ما تطرش طرش منلفي
العلوة وشيلوها بسبة الهرفي
حقوق النشر متاحة للمبتدئين من اعضاء مكتب المومن من اهوار الجبايش فما دون
بالخرط لا تدبج دبج
باعوك ياسمر بالهلج
من جنت تعلج بالعلج
مكرود يالمالك حنج
محاوله جديدة لاستشراف المساحات الوزنية من قبل احد تلاميذ المومن
كندا - راس الحواش
تعلموا تكتبون الضاد :
لان ما يظمره المومن
هكذا حسجة ليس لها سوى تعداد القرى المنقرضة
مقتطف من تعليق سابق ونقول فيه :
.
هذه مدننا وقرانا واذا كانت انقرضت من ذاكرة المتأمرك صعلوك الجديدة فهي غير منقرضة من ذاكرة سكانها وسكان كندا اللي كانو يقصدونها لأسباب يعرفها القاصي والداني خاصة ابو شوره .
أما معرفتكم بثليثي الكور فقد نمت عن درايتكم الكامله بالصنعة وخبرتكم التامه بالعمل الخلفوي ولا تشربتوها علينا .
جماعة الفن للفن - فرع مكينة الأعسم
إحتجاج شديد اللهجه من الساده الأشراف آل جريو بعد أن نشر ت صورة الخروف وتم التعرف عليه من قبل ذويه من النعاج والخرفان ظهر إن هذا الخروف لم يستوفي الساده آل جريو من ذباحه حق الدلاله ولذلك قرر الناطق الأعلامي لأسرة الساده أن يستوفي حق أجور الدلاليه من مومن الثلمه لأنه المستفيد الوحيد من الطلي .
شبكة أخبار النجف
قصيدة رائعة يا مومن الثلمة وإن دلت على شئ فأنها تدل على تمكنك الشعري في جميع أنواعه و أصنافه فانتقالاتك جميلة وكل لأبن الولاية بعد لا يحجي ابد لنه هذي القصيدة لطمته على حلكه . أريد منك ما هو أقوى بعد
معيدي ساكن النجف